|
Xidmətlərimiz
|
|
|
|
H.Z.Tağıyev adına NQÇİ-nin mədən ərazilərində neftlə çirklənmiş torpaqların təmizlənməsi davam etdirilir
|
|
Respublikamızda davamlı olaraq ətraf mühitin mühafizəsi sahəsində genişmiqyaslı layihələr həyata keçirilir. Bu sahədə ARDNŞ-nin üzərinə düşən vəzifələr də uğurla icra olunur. Ötən müddətdə neft və neft məhsulları ilə çirklənmiş ərazilər əhəmiyyətli dərəcədə təmizlənmiş və reabilitasiya olunmuş sahələrdə yaşıllıqların salınması istiqamətində əsaslı işlər görülmüşdür. “Ekol Mühəndislik Xidmətləri” QSC-də bu işlərin həyata keçirilməsində yaxından iştirak etmişdir.
Ötən il “Ekol Mühəndislik Xidmətləri” QSC bir sıra ekoloji layihələri, o cümlədən H.Z.Tağıyev adına NQÇİ-nin 4-cü mədən ərazisində neftlə çirklənmiş torpaqların təmizlənməsi layihəsini uğurla həyata keçirmiş, mədən ərazisinin Buzovna sahəsində 124 hektar sahə çirklənmədən təmizlənərək reabilitasiya olunmuşdur.
2012-ci ildə də H.Z.Tağıyev adına NQÇİ-nin 4-cü mədən ərazisinin Maştağa sahəsində işlər davam etdirilir. Cari ilin birinci rübündə layihə ərazisinə 93 min m3-dən çox torpaq daşınmış, ümumilikdə 10 hektara qədər sahə çirklənmədən təmizlənmişdir. Xatırladaq ki, Maştağa sahəsində 20 hektara qədər ərazinin neftlə çirklənmədən təmizlənməsi nəzərdə tutulur.
Hazırda QSC H.Z.Tağıyev adına NQÇİ-nin Maştağa sahəsində layihənin icrasını yüksək templə davam etdirir.
tarix : 12.04.2012
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
