|
Xidmətlərimiz
|
|
|
|
Aprelin 14-də “Ekol Mühəndislik Xidmətləri” QSC-nin 6 illiyi ilə əlaqədar iməcilik keçirilmişdir
|
|
Aprelin 17-də, 2006-cı ilin mart ayında ARDNŞ-nin (51%) və “Lancer Services” S.A.” Şirkətinin (49%) təsisçiliyi ilə yaradılmış və 17.04.2006-cı ildə dövlət qeydiyyatından keçmiş ”Ekol Mühəndislik Xidmətləri” QSC-nin fəaliyyətinin 6 ili tamam olur. Qısa müddətdə ekoloji problemlərin həlli sahəsində özünü potensial bir şirkət kimi təsdiq etmiş QSC, bu illər ərzində respublikamızın neft sənayesi sahələrində onlarla prioritet ekoloji layihələri uğurla həyata keçirmişdir.
Aprelin 14-də isə QSC-nin 6 illiyi ilə əlaqədar olaraq kollektivin bütün üzvlərinin iştirakı ilə istehsalat sahələrində iməcilik keçirilmişdir. İməcilikdə rəhbərlik başda olmaqla bayram əhval-ruhiyyəsi ilə iştirak edən QSC-nin əmək kollektivləri istehsalat sahələrinin abadlaşdırılması, yeni yaşıllıqların salınması və bitkilərə mövsümü qulluq göstərilməsi işlərini həvəslə yerinə yetirmişlər.
İməcilikdə QSC-nin Tullantıların emalı departamentinin 6-cı sahəsinin ( Heydər Əliyev adına BNEZ-nin ərazisi), 7-ci sahəsinin (“Azərneftyağ” NEZ-nun ərazisi), həmçinin Torpaqların rekultivasiyası departamentinin əmək kollektivləri xüsusi fəallıq göstərmişlər. İməcilik QSC-nin xidmət göstərdiyi layihə ərazilərini, “Bibiheybətneft”, “Abşeronneft” və H.Z.Tağıyev adına NQÇİ-nin mədən ərazilərindəki yaşıllaşdırma sahələrini də əhatə etmişdir. Bu ərazilərdəki mövcud bitkilərə mövsümü aqrotexniki xidmətlər göstərilmiş, budanmış budaqlar və yad əşyalar sahələrdən kənarlaşdırılmışdır.
”Ekol Mühəndislik Xidmətləri” QSC-nin 6 illiyi ilə əlaqədar digər tədbirlərin növbəti həftədə davam etdirilməsi nəzərdə tutulur.
tarix : 14.04.2012
|
|
|
|
|
|
|
ana səhifə
Satınalma
əlaqə
Futzal
Alternativ Enerji
Bu maraqlıdır
