Futzal üzrə Azərbaycan çempionatında yaranmış fasilədən səmərəli istifadə edən “Ekol” MFK çempionatın 3-cü (sonuncu) turuna ciddi hazırlaşır. Bu məqsədlə komandamız mütəmadi olaraq təlim-məşq toplantılarında iştirak edir, komanda heyətinin fiziki və taktiki hazırlığının artırılması üçün bütün zəruri tədbirləri həyata keçirir.

Bu arada komandamız çempionatın iştirakçıları olan iki komanda ilə yoldaşlıq görüşü keçirmişdir. “Qala” komandası ilə keçirilən görüş 8:2, “Neftçi” İSM ilə keçirilən görüş isə 3:0 olmaqla komandamızın qələbəsi ilə başa çatmışdır.
Aprelin 19-da isə “Ekol” MFK çempionatın 3-cü turunun ilk qarşılaşmasında “Qarabağ” komandası ilə görüşmüşdür. Gənclik İdman Klubunda, gərgin mübarizə şəraitində keçən bu oyunda komandamız rəqib komandanı məğlub edərək 9:2 hesabı ilə qələbə qazanmışdır. “Ekol” MFK 3-cü turun növbəti oyununu aprelin 29-da, Şağan Olimpiya Kompleksində “Azekolab” komandası ilə keçirəcəkdir.
Azərbaycan çempionatının qalibi olmaq üçün komandamız əzmlə mübarizə aparır.

tarix : 23.04.2012