Xidmətlərimiz
|
|
|
|
Ə.Əmirov adına NQÇİ-nin mədən ərazisində neftşlamın bioremediasiyasının son mərhələsi başa çatmışdır
|
2011-ci ildə “Ekol Mühəndislik Xidmətləri” QSC-nin həyata keçirdiyi ekoloji layihələrdən biri də Ə.Əmirov adına NQÇİ-nin 3-cü mədən ərazisindəki neft tutucuda mövcud olan neftşlamın çıxarılması və bioremediasiyası layihəsidir.
Layihəni icra edən QSC-nin Torpaqların rekultivasiyası departamenti tərəfindən ötən il təqvim planına uyğun olaraq, NQÇİ-nin 3-cü mədən ərazisindəki neft tutucudan 9 360 m3 neftşlam çıxarılaraq bioremediasiya üçün ayrılmış 5 hektar sahəyə daşınmışdır. 2012-ci ilin I rübündə texnoloji reqlamentə uyğun olaraq neftşlam sahəyə yayılaraq şumlanmış, sahəyə saman, üzvü və qeyri üzvü gübrələr verilməklə təkrar şumlama işləri aparılmışdır. Cari ilin aprel ayında isə QSC-nin Torpaqların rekultivasiyası departamenti neftşlamın zərərsizləşdirilməsi üçün əlverişli üsullardan olan bioremediasiya proseslərinin son mərhələsini həyata keçirmişdir. Bioremediasiya sahəsinə normativə uyğun olaraq arpa səpilmişdir ki, bu da həmin sahədə landşaftın bərpasına öz müsbət təsirini göstərəcəkdir.
tarix : 24.04.2012
|
|
|
|
|
|
|