Xidmətlərimiz
|
|
|
|
“Ekol Mühəndislik Xidmətləri” QSC “Bakı Ağ Şəhər” layihəsi ərazisində neftlə çirklənmiş torpaqların təmizlənməsini davam etdirir.
|
Bakı şəhərinin ekoloji vəziyyətinin yaxşılaşdırılması, “Ağ Şəhər” adlandırılacaq yeni müasir mərkəzin yaradılması istiqamətində geniş miqyaslı və iri maliyyə tutumlu layihələrin icrası davam etdirilməkdədir. Bu məqsədlə, 2010-cu ildən başlayaraq paytaxtın “Qara Şəhər” adlanan ərazisində köhnəlmiş sənaye obyektlərinin şəhər hüdudlarından kənara çıxarılması və çirklənmiş torpaqların təmizlənməsi istiqamətində mühüm tədbirlər həyata keçirilməkdədir. Bu tədbirlərin həyata keçirilməsində “Ekol Mühəndislik Xidmətləri” QSC də yaxından iştirak edir.
QSC 2010-cu ilin fevral ayından başlayaraq “Bakı Ağ Şəhər” layihəsinin “Yaşıl ada” ərazisindəki köhnəlmiş neft sənaye obyektlərindən neftşlamın çıxarılaraq şəhərin hüdudlarından kənara, xüsusi poliqona daşınması işlərini yerinə yetirir. Qeyd edək ki, icra müddətində QSC tərəfindən layihə ərazisindən 26 min m3-dən çox neftşlam çıxarılaraq müvafiq qaydada anbarlaşdırılmış, 2012-ci ilin I rübü də daxil olmaqla ərazidən 934 min m3-ə qədər neftlə çirklənmiş torpaq çıxarılaraq poliqona daşınmışdır. 14 hektardan çox sahə çirklənmədən təmizlənmişdir. Hazırda layihə üzrə işlər davam etdirilir.
tarix : 03.05.2012
|
|
|
|
|
|
|