Turnirin açılışında çıxış edənlər, QSC-nin baş direktorunun SƏTƏM üzrə müavini Rəşad İsmayılov, İctimai sosial şöbənin rəisi Fəxrəddin Quliyev və Həmkarlar İttifaqı Komitəsinin sədri Əli Ələkbərov ümummilli lider, müasir Azərbaycanın memarı Heydər Əliyevin həyat və fəaliyyətindən danışmış, onun müstəqilliyimizin əldə olunması, respublikamızın hərtərəfli inkişafı və milli-mənəvi dəyərlərimizin qorunub saxlanılması sahəsindəki rolunu xüsusilə qeyd etmişlər. Natiqlər turnir iştirakçılarına yarışın şərtləri haqqında məlumat vermiş və bu yarışda onlara uğurlar arzulanmışlar. Ulu öndərin əziz xatirəsi bir dəqiqəlik sükutla yad edilmişdir.

Sonra turnirə start verildi. Gərgin mübarizə şəraitində keçən turnirin final mərhələsində qalibləri müəyyən olunmuşdur. 1-ci yerə Nəqliyyat sexinin sürücüsü Abbas Yarməmmədov, 2-ci yerə İnzibati təsərrüfat şöbəsinin yardımçı fəhləsi Soltan Abduyev, 3-cü yerə isə İnzibati təsərrüfat şöbəsinin suvaqçısı Sənani Həsənov layiq görülmüşlər.
Sonda qaliblərə xüsusi diplom və pul mükafatları təqdim olunmuş və xatirə şəkili çəkilmişdir.