|
2012-ci ilin 6-12 may tarixlərində Almaniyanın Federativ Respublikasının Münhen IFAT adı altında beynəlxalq sərgi keçirilmişdir. Sərgidə neftşlamın emalı, neftlə çirklənmiş torpaqların və çirkab suların təmizlənməsi, xüsusi tullantıların (kabel, şin və elektron avadanlıqların) yenidən emal edilməsi ilə məşğul olan şirkətlər özlərinin ən yeni texnika və texnologiyalarını nümayiş etdirmişlər.
Sərgidə həmçinin dünyanın bir çox qabaqcıl istehsal şirkətləri iştirak edərək özlərinin ətraf mühitin mühafizəsi sahəsində ən müasir texnologiyalarını, stend və eksponatlarını sərgi iştirakçılarına təqdim etmişlər. “Ətraf mühitin qorunması” məsələlərinə həsr olunmuş bu mötəbər Beynəlxalq sərgidə iştirak etmək üçün ARDNŞ-nin Ekologiya üzrə vitse-prezidentin müşaviri Hikmət İslamov, “Ekol Mühəndislik Xidmətləri” QSC-nin baş direktoru Ramil Əliyev, baş direktorun istehsalat üzrə müavini – Texniki direktor Məzahir Hüseynov, Marketinq və xarici iqtisadi əlaqələr şöbəsinin rəisi Rövşən Fətullayev mayın 6-12 tarixlərində Almaniyanın Federativ Respublikasının Münhen şəhərində xidməti ezamiyyətdə olmuşlar.
Ezamiyyə müddətində ARDNŞ və QSC nümayəndələri dünyanın qabaqcıl şirkətlərinin ətraf mühitin mühafizəsi sahəsində sərgidə nümayiş etdirdikləri müasir texnologiyalar, qurğu və avadanlıqlarla yaxından tanış olmuşlar. Nümayəndələr eyni zamanda analoji şirkətlərin təmsilçiləri ilə fikir mübadiləsi aparmış, gələcək əməkdaşlıq münasibətlərinin mümkün variantları müzakirə olunmuşdur. Altı gün davam edən sərgidə təmsilçilərimiz kifayət qədər maraqlı məlumatlar əldə etmişlər.
tarix : 16.05.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
