2012-ci ildə “Ekol Mühəndislik Xidmətləri” QSC-nin həyata keçirdiyi prioritet ekoloji layihələr yüksək templə davam etdirilir. Bu layihələrdən biri də may ayının əvvəlindən icrasına başlanmış “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” layihəsidir.
Layihəni icra edən QSC-nin Tullantıların emalı departamenti qısa müddət ərzində layihə ərazisində əlavə ötürücü xətlərin çəkilməsi işlərini başa çatdırmış, əraziyə müasir tipli güclü nasoslar, eləcə də digər yardımçı texnika, avadanlıqlar və işçi qüvvəsi cəlb olunmuşdur. Layihənin icrasının vaxtında başa çatdırılması məqsədilə işin fasiləsizliyi təmin edilmiş, su vuran nasoslar gün ərzində 10 saat işləyərək, icra müddətində ərazidən 100 min m3-dən çox fekal suları kənarlaşdırılmışdır.
QSC layihənin icrasının nəzərdə tutulmuş müddətdə başa çatdırılması məqsədilə bütün zəruri tədbirləri həyata keçirir.
tarix : 01.06.2012
|