|
İyunun 5-də start verilmiş 19-cu Beynəlxalq Xəzər Neft və Qaz sərgisi dünyanın neft sənayesi liderlərini Bakı EKSPO Mərkəzində yenidən bir araya gətirdi. Bu sərgi indiyədək keçirilən sərgilərdən ən böyüyü olmaqla, dünyanın 35 ölkəsindən 300 -dən çox şirkət qatılmışdır.
Sərginin açılış mərasimində Azərbaycan Respublikasının Prezidenti İlham Əliyev, Azərbaycanın birinci xanımı, Mehriban Əliyeva, nazirlər, Komitə sədrləri, ARDNŞ-nin rəhbərliyi, xarici səfirliklərin, şirkətlərin nümayəndələri, iri neft sənaye müəssisələrinin, idarələrin və təşkilatların rəhbərləri iştirak etmişlər.
Ölkə başçısı mərasimdə çıxış edərək sərgi iştirakçılarını təbrik etmiş, bu sərginin ölkələr və şirkətlər arasında qarşılıqlı əməkdaşlıq əlaqələrinin qurulmasında böyük əhəmiyyət kəsb etdiyini xüsusilə vurğulamışdır. Respublika Prezidenti İlham Əliyev neft və qaz sənayesi sahələrində Respublikamızda, eləcə də dünyada baş verən müsbət dəyişikliklər, perspektiv planlar barədə geniş məruzə etmiş və sonda sərgi iştirakçılarına gələcək fəaliyyətlərində uğurlar arzulamışdır.
Yüksək səviyyədə təşkil olunmuş sərgidə müxtəlif sahələrdə fəaliyyət göstərən şirkətlər və eləcə də dövlət müəssisələri arasında tanışlıq, eləcə də əməkdaşlıq münasibətlərinin qurulması üçün geniş bir şərait yaradılmışdır.
“Ekol Mühəndislik Xidmətləri” QSC də sərgi iştirakçılarında maraq doğuran stendi ilə 19-cu Beynəlxalq Xəzər Neft və Qaz sərgisində iştirak edir. QSC-nin fəaliyyət sahələrini və həyata keçirdiyi ekoloji layihələri əks etdirən elektron məlumatlar və əyani vasitələr iştirakçılar tərəfindən maraqla izlənilir.
19-cu Beynəlxalq Xəzər Neft və Qaz sərgisi iyunun 8-nə qədər davam edəcəkdir.
tarix : 05.06.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
