5 iyun - “Ümumdünya Ətraf Mühitin Mühafizəsi Günü” ilə bağlı hər il Respublikamızın müəssisə və təşkilatında iməciliklər, ağacəkmə aksiyaları, abadlıq işləri və digər ekoloji maarifləndirmə tədbirləri keçirilir, əhalinin diqqəti bu həyati əhəmiyyətli problemlərə cəlb edilir.
“Ekol Mühəndislik Xidmətləri” QSC-də bu tarixi günlə əlaqədar, hər il olduğu kimi bu il də bir sıra tədbirlər həyata keçirmişdir. İlk növbədə QSC-nin bütün istehsalat sahələrində 5 iyun – “Ümumdünya Ətraf Mühitin Mühafizəsi Günü”nə həsr olunmuş iməciliklər təşkil edilmiş, sahələrdə xeyli təmizlik və abadlıq işləri yerinə yetirilmiş, yaşıllıqlara qulluq göstərilmişdir. Keçirilən tədbirlər eyni zamanda əmək kollektivlərinin və ətrafda yaşayan sakinlərin diqqətini ekoloji problemlərə yönəldilməsi məqsədini daşımışdır. Bu tədbirlərlə yanaşı QSC-də “Ümumdünya Ətraf Mühitin Mühafizəsi Günü”nə həsr olunmuş toplantı keçirilmişdir.
Toplantıda baş direktorun SƏTƏM üzrə müavini Rəşad İsmayılov, baş direktorun istehsalat üzrə müavini-Texniki direktor Məzahir Hüseynov və başqaları çıxış edərək, bütün bəşəriyyəti narahat edən ən aktual ekoloji problemlərdən və bu istiqamətdə görülən işlərdən danışmışlar. Qeyd olunmuşdur ki, ətraf mühitin mühafizəsi istiqamətində atılan hər bir addımın planetimizin ümumi ekoloji vəziyyətinin yaxşılaşdırılmasına və gələcək nəslin ekoloji böhrandan xilas olunmasına xidmət edir.
Çıxışlarda “Ekol Mühəndislik Xidmətləri” QSC-nin ümumi fəaliyyətinin ekoloji yönümlü olması və ətraf mühitin mühafizəsi istiqamətində həyata keçirdiyi prioritet ekoloji layihələr bir daha toplantı iştirakçılarının diqqətinə çatdırılmışdır. Bildirilmişdir ki, bu sahədə görülən işlərlə yanaşı, əhali və xüsusən gənclər arasında ekoloji maarifləndirmə işlərinin aparılması da ən başlıca məsələlərdəndir və bu bizim hər birimizin vətəndaşlıq borcumuzdur.

 

Futzal

Alternativ Enerji

Bu maraqlıdır

• İnsan ildə 1-1,5 ton, gündə isə 0,86 kq oksigen istifadə...