QSC-də işçilərin sosial problemlərinin həlli, onların sağlamlıqlarının qorunması və istirahətlərinin təşkil olunması məsələləri daim diqqət mərkəzindədir və bu istiqamətdə mütəmadi olaraq məqsədli tədbirlər həyata keçirilir. Bu tədbirlər sırasında işçilərin yay istirahətinin səmərəli təşkil olunması da xüsusilə önəmlidir.
Hər il olduğu kimi, bu mövsümdə də işçilərin yay istirahətinin respublikamızda fəaliyyət göstərən İstirahət Mərkəzlərinin birində təşkili nəzərdə tutulmuşdur. Bununla əlaqədar olaraq, iyunun 15-dən 17-dək QSC-nin 32 nəfərdən ibarət bir qrup işçilərinin, səfalı Lerik rayonunun gözəl guşələrindən birində yerləşən “RELAX” İstirahət Mərkəzində istirahəti təşkil olunmuşdur. İstirahət müddətində işçilər arasında maraqlı idman oyunları keçirilmiş və gəzintilər təşkil edilmişdir.
QSC-də çalışan işçilərin yay istirahəti mövsümün axırınadək, hər həftənin cümə və bazar günləri Lerik rayonunun “RELAX” İstirahət Mərkəzində təşkil olunacaqdır.
tarix : 18.06.2012
|