Geostrateji mövqeyinə görə, böyük dövlətlərin maraqlarının kəsişdiyi ölkə olan Azərbaycan Demokratik Respublikası yarandığı gündən, dövlətçiliyin əsas atributlarından sayılan nizami ordu quruculuğu istiqamətində mühüm addımlar atdı. 1918-ci il iyunun 26-da Azərbaycan Demokratik Respublikası Nazirlər Şurasının qərarı ilə ilk müntəzəm hərbi hissə - əlahiddə Azərbaycan korpusu yaradıldı.

“Ekol Mühəndislik Xidmətləri” QSC-də də hər il olduğu kimi, bu il də şanlı tarixi günə həsr olunmuş tədbir keçirilmişdir. Tədbirdə QSC-nin rəhbərliyi və kollektivin nümayəndələri iştirak etmişlər. Tədbirdə çıxış edənlər, QSC-nin baş direktorunun müavini-Texniki direktor Məzahir Hüseynov, İctimai sosial şöbənin rəisi, YAP “Ekol” ilk ərazi təşkilatının sədri Fəxrəddin Quliyev, Ekoloji monitorinq departamentinin rəisi Şahabiddin Albuşov və başqaları öncə iştirakçıları “Azərbaycan Respublikası Silahlı Qüvvələr Günü” münasibəti ilə təbrik etdilər və ölkəmizə sülh, əmin-amanlı günlər, xalqımıza qələbə sevinci arzuladılar.

Sonra natiqlər Silahlı Qüvvələrin tarixindən, əsası ulu öndərimiz Heydər Əliyev tərəfindən qoyulmuş və Respublika Prezidenti İlham Əliyev cənabları tərəfində uğurla davam etdirilən ordu quruculuğundan ətraflı danışdılar. Onlar ölkə rəhbərinin səyi nəticəsində Milli Ordumuzun gündən-günə güclənməsindən, bütün Qafqazda qüdrətli bir orduya çevrilməsindən qürur hissi keçirdiklərini bildirdilər və xalqımıza tezliklə Qarabağ torpağında qələbə sevincini yaşamağı arzuladılar. Qeyd olundu ki, lazımı məqamda rəşadətli ordumuz torpaqlarımızın işğaldan azad olunmasında öz sözünü deyəcəkdir.

Tədbirdə Qarabağ şəhidlərinin ruhu bir dəqiqəlik sükutla yad edildi. Sonra ənənəvi olaraq “Ekol Mühəndislik Xidmətləri” QSC çalışan 15 nəfərə qədər Qarabağ veteranı və əllilərinə pul mükafatı təqdim olundu.