“Ekol Mühəndislik Xidmətləri” QSC neftlə çirklənmiş torpaqların və sənaye-çirkab sularının təmizlənməsi, həmçinin şlamların emalı sahəsində müasir və məhsuldar qurğuların əldə olunması istiqamətində tədbirlərini davam etdirir. Bu məqsədlə dünyanın inkişaf etmiş dövlətlərində fəaliyyət göstərən analoji şirkətlərlə əlaqələr yaradılır və bu ölkələrə işgüzar səfərlər təşkil edilir.

Bu tədbirlər çərçivəsində QSC-nin baş direktorunun istehsalat üzrə müavini-Texniki direktor Məzahir Hüseynov və baş direktorun köməkçisi Sabutay Əliyev iyunun 19-dan 21-dək Hollandiyanın Amsterdam şəhərində xidməti ezamiyyətdə olmuşlar. Ezamiyyə müddətində QSC nümayəndələri Hollandiyanın Delfizijh vilayətində yerləşən NORTH REFİNERY Neft Emalı Zavodunda olmuş, Termtech AS şirkətinin bu zavodda quraşdırdığı qazma şlamının mexaniki üsulla emal edən TCC-450 qurğusu ilə yaxından tanış olmuşlar. Qurğu ilə tanışlıq zamanı əməkdaşlarımız emal proseslərini əyani olaraq izləməklə yanaşı, qurğunun texniki parametrləri haqqında lazımı məlumatlar əldə etmiş və emaldan sonrakı məhsulun analizlərinin aparılmasında iştirak etmişlər.