QSC-nin baş direktorunun istehsalat üzrə müavini-Texniki direktor Məzahir Hüseynov görüş iştirakçılarını salamlayaraq, onlara may ayının 7-də “ARGUS” şirkətinin nümayəndələri ilə keçirilən tanışlıq xarakterli ilk görüşü xatırlatdı. Məzahir Hüseynov bildirdi ki, neftşlamı termik üsulla emal edən qurğuların istehsalı sahəsində tanınmış bu şirkətlə xeyli vaxtdır ki, əlaqə yaradılmış və bir sıra texniki məsələlər ətrafında yazışmalar aparılmaqdadır. Ötən görüşdən sonra “ARGUS” şirkətinin istehsalı olan Termo Dezorpsiya qurğusunun texniki göstəriciləri hazırda QSC-nin mütəxəssisləri tərəfindən öyrənilir və araşdırmalar aparılır.
“ARGUS” şirkətinin vitse-prezident Dmitriy Kanevskiy Azərbaycanda, SOCAR nümayəndələri ilə yenidən görüşdüklərindən və işgüzar müzakirələr aparılacağından məmnunluq hissi keçirdiyini qeyd etdi. O bildirdi ki, birinci görüşdə təmsil etdiyi şirkətin istehsalı olan Termo Dezorpsiya qurğusu haqqında ümumi məlumat verilmiş və bir sıra texniki məsələlər tam təhlil edilməmişdir. Bu görüşdə isə bu qurğu haqqında daha geniş məlumat veriləcək və qurğunun prezentasiyası təqdim olunacaqdır.
Sonra “ARGUS” şirkətinin nümayəndələri Termo Dezorpsiya qurğusunun prezentasiyasını keçirmiş və qurğu haqqında müfəssəl məlumatlar verilmişdir. Görüş iştirakçıları tərəfindən prezentasiya ətrafında diskussiya xarakterli geniş müzakirələr aparılmış, bir çox texniki məsələlərə aydınlıq gətirilmişdir.
Sonda qərara alınmışdır ki, belə görüşlərin davam etdirilməsinə hələ ehtiyac vardır. Məqsədəuyğundur ki, bu qurğunun iş prinsipi, texniki parametrləri və şlamların xarakteristikaları hər iki tərəfin mütəxəssisləri tərəfindən dərindən araşdırılsın və son mərhələnin nəticələri yenidən müzakirəyə çıxarılsın.
Görüş qarşılıqlı anlaşma və işgüzar şəraitində başa çatmışdır.
ana səhifə
Satınalma
əlaqə
Futzal
Alternativ Enerji
Bu maraqlıdır
