QSC ARDNŞ-nin fəaliyyət sahələrində ekoloji vəziyyətin yaxşılaşdırılması sahəsində qarşıya qoyulmuş vəzifələrin öhdəsindən layiqincə gəlməklə yanaşı, bir sıra prioritet ekoloji layihələri də uğurla həyata keçirir. Hazırda Bakı şəhərinin ekoloji vəziyyətinin yaxşılaşdırılması və yeni müasir mərkəzin yaradılması istiqamətində həyata keçirilən, iri maliyyə tutumlu layihələrdən biri də Bakı “Ağ Şəhər” layihəsidir ki, QSC-də bu layihədə yaxından iştirak edir.
2010-cu ilin fevral ayından başlayaraq Bakı “Ağ Şəhər” layihəsinin, “Yaşıl ada” ərazisindəki köhnəlmiş neft sənaye obyektlərindən neftşlamın və neftlə çirklənmiş torpaqların çıxarılaraq şəhərin hüdudlarından kənara, xüsusi poliqona daşınması işləri QSC-nin Torpaqların rekultivasiyası departamenti tərəfindən fasiləsiz və təqvim planına uyğun olaraq icra edilir.
Cari ildə “Ekol Mühəndislik Xidmətləri QSC-nin yerinə yetirdiyi prioritet layihələrdən biri də, may ayından icrasına başladığı “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” layihəsidir. Bu layihə də QSC-nin Tullantıların emalı departamenti tərəfindən yüksək templə davam etdirilir.
QSC hər iki layihənin təqvim planına uyğun, yüksək keyfiyyətlə yerinə yetirilməsi və nəzərdə tutulmuş müddətdə başa çatdırılması məqsədilə bütün zəruri tədbirləri həyata keçirir.
tarix : 03.07.2012
|