“Ekol Mühəndislik Xidmətləri” QSC yay mövsümündə “Sifarişçi” təşkilatların layihə ərazilərində xidmət göstərdiyi yaşıllıqların aqrotexniki qaydada becərilməsi, bitkilərin normal inkişafı və xəstəliklərdən mühafizəsi məqsədilə QSC-nin Torpaqların rekultivasiyası departamenti (TRD) xüsusi iş rejimində fəaliyyət göstərir.
Qeyd edək ki, hazırda TRD “Bibiheybətneft” NQÇİ-nin mədən ərazisində 49 minə qədər, “Abşeronneft” NQÇİ-nin mədən ıərazisində 6 minə qədər, H.Z.Tağıyev adına NQÇİ-nin mədən ərazisində 12 mindən çox, ARDNŞ-nin Qaz Emalı Zavodunun sahəsində 9 mindən çox, QSC-nin Torpaqların rekultivasiyası departamentinin Zığ qəsəbəsindəki inzibati binasının ətrafında (A-4 sahəsi) isə 4 min 500 ədəd, ümumilikdə 80 min 400 ədəddən çox müxtəlif nov ağac və bəzək kollarına xidmət göstərilir.
Havaların isti keçməsi ilə əlaqədar bitkilərin normal inkişafı üçün yaşıllıq sahələri mexaniki suvarma sistemləri və zəruri gübrələrlə təmin edilmişdir. Sahələrdə görülən mövsümü işlərlə yanaşı, ərazilərin alaq otlarından təmizlənməsinə və abadlıq işlərinin yerinə yetirilməsinə də xüsusi diqqət yetirilir. Hazırda TRD-nin işçi qüvvəsi “Abşeronneft”, “Bibiheybətneft” və H.Z.Tağıyev adına NQÇİ-nin mədən ərazilərindəki yaşıllıq sahələrinin alaq otlarından təmizlənməsinə cəlb edilmiş və bu istiqamətdə işlər davam etdirilməkdədir.
tarix : 13.07.2012
|