“Ekol Mühəndislik Xidmətləri” QSC-də çalışan işçilərin yay istirahətinin mənalı təşkil olunması istiqamətində tədbirlər davam etdirilir. Hər il işçilərin yay istirahəti respublikamızın müxtəlif bölgələrində yerləşən istirahət mərkəzlərində təşkil olunur. Bu il isə işçilərin yay istirahəti Lerik rayonunun gözəl guşəsində yerləşən “RELAX” İstirahət Mərkəzində nəzərdə tutulmuşdur. Artıq iyun ayının 15-dən başlayaraq QSC-də çalışan işçilərin istirahəti şənbə və bazar günlərində bu İstirahət Mərkəzində təşkil olunur. Onların istirahətlərinin yüksək səviyyədə keçməsi məqsədilə bütün zəruri tədbirlər görülmüşdür.

Bununla yanaşı, işçilərin ailəvi istirahətinin təşkil olunması istiqamətində də məqsədyönlü tədbirlər həyata keçirilir, onlara respublikamızın müxtəlif istirahət mərkəzlərində dincəlmələri üçün yollayışlar verilir. ARNQSİHİRK tərəfindən “Ekol Mühəndislik Xidmətləri” QSC üçün ayrılmış yollayışlar QSC-nin rəhbərliyi və Həmkarlar İttiifaqı Komitəsi tərəfindən işçilər arasında sosial ədalət prinsipi əsasında bölüşdürülür və ilk növbədə onların istəkləri nəzərə alınmaqla zərərli iş şəraitində çalışan işçilərə şamil edilir.