|
“Ekol Mühəndislik Xidmətləri” QSC əsas fəaliyyət sahələri ilə yanaşı, ekologiya və mühəndislik xidmətləri sahəsində gənc mütəxəssislərin hazırlanmasına, eləcə də əhalinin ekoloji maariflənməsinə də yaxından dəstək göstərir. Bu məqsədlə, cari ildə respublikamızın müxtəlif ali təhsil müəssisələrində uyğun ixtisaslar üzrə təhsil alan tələbələrin, QSC-nin istehsalat sahələrində yüksək səviyyədə istehsalat təcrübəsi keçmələri üçün bütün zəruri tədbirlər həyata keçirilmişdir.
2012-ci ildə QSC-nin istehsalat sahələrində Bakı Dövlət Universitetinin Ekologiya və torpaqşünaslıq fakültəsinin, M.Y.Lomonosov adına Moskva Dövlət Universitetinin Bakı filialının kimya fakültəsinin, Azərbaycan Memarlıq və İnşaat Universitetinin Su təsərrüfatı və mühəndis kommunikasiya sistemləri fakültəsinin ekoloq, kimyaçı, torpaqşünas, su təsərrüfatı və mühəndis kommunikasiya sistemləri ixtisası üzrə təhsil alan tələbələrinin yay istehsalat təcrübələrinin keçirilməsi nəzərdə tutulmuşdur.
Bununla əlaqədar olaraq, tələbələrə müvafiq proqram üzrə, yüksək səviyyədə istehsalat təcrübəsi keçmələrinə rəhbərlik, QSC-nin baş direktorunun əmri ilə Ekoloji Monitorinq Departamentinin rəisi, təcrübəli mütəxəssis Şahabiddin Albuşova həvalə edilmişdir. Əmrdə tələbələrin istehsalat təcrübələrinin Ali Peşə Təhsili Dövlət Standartlarına uyğun aparılması xüsusilə qeyd olunmuşdur. Artıq iyul ayından tələbələrin istehsalat təcrübəsi keçmələrinə start verilmişdir.
tarix : 26.07.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
