“Ekol Mühəndislik Xidmətləri” QSC-nin İsveçrənin “Alfa-Laval“ şirkəti ilə əməkdaşlıq əlaqələri günü-gündən genişlənir. Hazırda QSC-nin istehsalat sahələrində bu şirkətin neftşlamı emal edən müasir dekantr qurğularından uğurla istifadə olunur. “Alfa-Laval” şirkəti ilə əməkdaşlıq əlaqələri təkcə yeni qurğuların alınması ilə məhdudlaşmır. Bu şirkət istismarda olan qurğulara vaxtaşırı servis xidmətlərinin göstərilməsində də yaxından iştirak edir.

Tullantıların emalı departamentinin (TED) 7-ci sahəsində (“Azərneftyağ” NEZ-nun ərazisi) uzun müddət istismarda olan dekantr qurğusunda olan texniki qüsurların aradan qaldırılması və təmir quraşdırma işlərinin yerinə yetirilməsi məqsədilə, avqustun 7-də “Alfa-Laval” şirkətinin servis mühəndisi Salih Küp QSC-də olmuşdur. QSC-də olduğu müddətdə Salih Küp TED-nin 7-ci sahəsindəki 2 fazalı modul şeker qurğusunun dekantr mexanizmini quraşdırmış və qurğunu tənzimləyərək istismara buraxmışdır. Təmir quraşdırma işlərində QSC-nin mütəxəssisləri də yaxından iştirak etmişlər.

tarix : 08.08.2012