ARDNŞ-nin təşəbbüsü və dəstəyi ilə cari ildə “Ekol Mühəndislik Xidmətləri” QSC-nin Tullantıların Emalı Departamentinin (TED) 6-cı sahəsindəki ( Heydər Əliyev adına BNEZ-nun 9-cu sexinin ərazisi) çənlər parkında köhnə çənlərin ləğv edilməsi və daha iri tutumlu yeni çənlərin quraşdırılması işləri həyata keçirilir. Görülən tədbirlər çərçivəsində TED-nin çənlər parkında uzun müddət istismar edilmiş və tutumu 500 tona qədər olan 4 ədəd çənin ləğv edilərək, tutumu 1000 tona qədər olan yeni çənlərin quraşdırılması nəzərdə tutulmuşdur.

Artıq ARDNŞ-nin təmir briqadası tərəfindən köhnə çənlərin ləğv olunmasına başlanmış, 1 ədəd tutumu 1000 ton olan yeni çən quraşdırılaraq istismara verilmişdir. Çənlər parkında yerinə yetrilən işlərin texniki təhlükəsizliyi və istehsalatın fasiləsizliyi tam təmin edilmişdir.Köhnə çənlərin ləğv edilərək yeni çənlərin quraşdırılması istiqamətində işlər davam etdirilir.

 Qeyd edək ki, yeni çənlərin quraşdırılması, sənaye-çirkab sularının təmizlənməsi proseslərinin yaxşılaşdırılmasına və təmizləmə zamanı tutulmuş neft məhsulunun itkisinin qarşısının alınmasına öz müsbət təsirini göstərəcəkdir.

tarix : 22.08.2012