Xidmətlərimiz
|
|
|
|
“Ekol Mühəndislik Xidmətləri ” QSC-də çalışan işçilərin yay istirahətləri başa çatmışdır
|
QSC-də çalışan işçilərin sosial müdafiəsi, iş şəraitlərinin yaxşılaşdırılması, sağlamlıqlarının qorunması və istirahətlərinin səmərəli təşkili daim müəssisə rəhbərliyinin diqqətində olan önəmli məsələlərdən biridir. Kollektiv əmək müqaviləsinin şərtlərinə uyğun olaraq bu istiqamətdə mütəmadi zəruri tədbirlər həyata keçirilir. Hər il işçilərin yay istirahəti respublikamızın müxtəlif dilbər guşələrində yerləşən istirahət mərkəzlərində təşkil edilir.
2012- ci ildə də sosial məsələlər və işçilərin yay istirahətlərinin səmərəli təşkil olunması diqqət mərkəzində olmuşdur. Bu il işçilərin yay istirahətləri füsunkar gözəlliyi ilə göz oxşayan Lerik rayonunun “RELAX” İstirahət Mərkəzində təşkil olunmuşdur. İyun ayının 15- dən başlayaraq QSC-də çalışan işçilər növbə ilə şənbə və bazar günlərində öz istirahətlərini bu İstirahət Mərkəzində keçirirlər. İşçilərin istirahətlərinin mənalı və yüksək səviyyədə keçməsi üçün QSC-nin rəhbərliyi və Həmkarlar İttifaqı Komitəsi tərəfindən bütün zəruri tədbirlər görülmüşdür. İstirahət müddətində işçilər arasında futbol, nərd və digər idman yarışları keçirilir, maraqlı gəzintilər təşkil edilmişdir.
Bununla yanaşı, Həmkarlar İttifaqı Komitəsinin xətti ilə işçilərin ailəvi istirahətərinin təşkil olunması istiqamətində də məqsədyönlü tədbirlər həyata keçirilmişdir. Onlara respublikamızın müxtəlif istirahət mərkəzlərində dincəlmələri üçün yollayışlar verilmişdir. 2012-ci ilin yay istirahət mövsümünə başlandığı müddətdən indiyədək QSC-də çalışan 360 nəfərədək işçinin yay istirahəti "RELAX" İstirahərt Mərkəzində yüksək səviyyədə təşkil edilmişdir.
Növbəti illərdə də işçilərin yay istirahətinin respublikamızın ayrı-ayrı bölgələrində fəaliyyət göstərən istirahət mərkəzlərində təşkil olunması nəzərdə tutulur.
tarix : 03.09.2012
|
|
|
|
|
|
|