"Ekol Mühəndislik Xidmətləri" QSC-nin ayrı-ayrı istehsalat sahələrində baş verən müsbət dəyişiklilər fonunda yaşıllıqların salınmasına və bitkilərə aqrotexniki xidmətlərin göstərilməsinə də xüsusi önəm verilir və bu istiqamətdə ardıcıl tədbirlər həyata keçirilir.
Bu məqsədlə, QSC-nin "Sifarişçi" təşkilatlarının istehsalat ərazilərində xidmət göstərdiyi yaşıllıq sahələrində bitkilərin mühafizəsi, mövsümü qulluq göstərilməsi və daimi su təchizatının təmin olunması işləri yüksək səviyyədə və vaxtlı-vaxtında yerinə yetirilir.
Bununla yanaşı, yaşıllıq sahələırinin genişləndirilməsi, yeni yaşıllıq zolaqlarının salınması və bitkilərin bərpası üçün yeni tinglərin hazırlanmasına da zəruri təlabat yaranmışdır. Bu ehtiyacların ödənilməsi məqsədilə, QSC-nin Torpaqların Rekultivasiyası Departamentinin "Bibiheybətneft" NQÇİ-nin mədən ərazisində fəaliyyət göstərtən 3-cü sahəsində mövcud şitilxananın genişləndirilməsinə və müasir üslubda daha iri tutumlu şitilxananın inşasına başlanmışdlr.
Artıq şitilxananın inşası üçün bütün hazırlıq işləri yerinə yetirilmiş və şitilxana tikiləcək sahədə betonlama işləri görülmüşdür. Şitilxananın ilin sonunadək tikilib başa çatdırtılması nəzərdə tutulmuşdur. Şitilxana istifadəyə verildikdən sonra QSC-nin xidmət göstərdiyi bütün yaşıllıq sahələri keyfiyyətli tinglərlə təmin olunacaqdır.
tarix : 05.09.2012
|