"Ekol Mühəndislik Xidmətləri" QSC-nin O.Vəliyev 1 ünvanda yerləşən istehsalat sahələrinin inzibati və məişət binalarında iş şəraitinin yaxşılaşdırılması məqsədilə, cari ilin əvvəlindən bu sahədə yeni mərkəzləşdirilmiş istilik və soyutma sisteminin quraşdırılmasına başlanmışdır. İndiyədək texniki şərtlərə uyğun olaraq bütün sahələr üzrə lazımı boru xətləri çəkilmiş, binadaxili montaj işləri başa çatdırılmışdır. Mərkəzləşdirilmiş sistemin elektrik enerjisi ilə təmin olunması məqsədilə 30-cu yarımstansiyadan 300 m-ə qədər güc kabeli çəkilmişdir.
Sentyabrın 5-də yeni sistemin sınağı keçirilmiş və gözlənilən nəticə əldə olunmuşdur. Hazırda sistemin tam istifadəyə verilməsi məqsədilə son tamamlama işləri yerinə yetirilir.
Yeni mərkəzləşdirilmiş istilik sistemi istifadəyə verildikdən sonra, QSC-nin O.Vəliyev 1 ünvanda yerləşən struktur bölmələrinin iş otaqlarının mövsümə uyğun soyudulması və qızdırılması fasiləsiz və keyfiyyətlə təmin olunacaqdır ki, bu da ümumi işin keyfiyyətinə öz müsbət təsirini göstərəcəkdir.
tarix : 07.09.2012
|