Əvvəlki illərdə olduğu kimi, “Ekol Mühəndislik Xidmətləri” QSC 2012-ci ildə də bir sıra prioritet ekoloji layihələr həyata keçirir. Hazırda may ayının əvvəlindən icrasına başlanmış “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” layihəsi üzrə işlər uğurla yerinə yetirilir. İcra müddətində ərazidən ümumilikdə 309 min m3-dən şox fekal suları kənarlaşdırılmışdır.
Cari ildə QSC-nin həyata keçirdiyi və aktuallığı ilə xüsusi əhəmiyyət kəsb edən "Bakı Ağ Şəhər layihəsinin “Yaşıl ada” ərazisindəki köhnəlmiş neft sənaye obyektlərindən neftşlamın və neftlə çirklənmiş torpaqların kənarlaşdırılması layihəsi" də yüksək templə davam etdirilir. İcrasına 2010-cu ildən başlanmnış layihə ərazisindən bu vaxtadək 26 min m3-dən çox neftşlam çıxarılaraq müvafiq qaydada anbarlaşdırılmış, 1 milyon 198 min m3-dən çox isə neftlə çirklənmiş torpaq çıxarılaraq xüsusi poliqona daşınmışdır.
“Ekol Mühəndislik Xidmətləri” QSC bu layihələrin icrasının nəzərdə tutulmuş müddətdə başa çatdırılması məqsədilə bütün zəruri tədbirləri həyata keçirir.
tarix : 10.10.2012
|