|
“Ekol Mühəndislik Xidmətləri” QSC-də texniki təhlükəsizliyin beynəlxalq standartlar səviyyəsində qurulması istiqamətində məqsədyönlü tədbirlər həyatra keçiririlir. İSO-18001 (OHSAS) sertifikatlını almış və fəaliyyətrini bu standartların tələbləri səviyyəsində quran QSC istehsalat sahələrində əməyin mühafizəsinə və texniki təhlükəsizliyin tələblərinə əməl olunmasına xüsusi diqqət yetirir. Bununla yanaşı, işçilərin sanitar-texniki normalara uyğun iş şəraiti, xüsusi geyim və fərdi mühafizə vasitələri ilə təmin olunması da daimi diqqət mərkəzindədir.
QSC-də çalışan işçilərin İSO-18001 (OHSAS) standartının tələblərinə uyğun texniki təhlükəsizlik üzrə bilik səviyyələrinin artırılması istiqamətində də müvafiq tədbirlər görülür. Bu məqsədlə vaxtaşırı treninq və seminarlar keçirilir və dövrü olaraq təlimatlara uyğun işçilərin bilik səviyyələri yoxlanılır. Zəruri hallarda əlavə təlimatlandırma və maarifləndirmə tədbirləri həyata keçirilir.
QSC-də çalışan mühəndis-texniki işçilərin texniki-təhlükəsizlik sahəsində biliklərinin yoxlanılması məqsədilə, təsdiq edilmiş qrafikə uyğun olaraq 8 oktyabr 2012-ci il tarixdən növbəti imtahanlara başlanılmışdır. Əvvəlki illərdən fərqli olaraq bu il imtahanlar test üsulu ilə keçirilir ki, bu da işçilərin bu sahədəki biliklərinin tam aşkar olunması üçün xüsusilə əlverişlidir.
Keçirilən imtahanların nəticələri göstərir ki, QSC-də çalışan mühəndis-texniki işçilərin bilik səviyyələri qənaətbəxşdir. Aşkar olunmuşdur ki, bu kateqoriyadan olan işçilər tərəfindən texniki təhlükəsizlik qaydaları, təlimatlar və ən başlıcası İSO-18001 (OHSAS) standartının tələbləri dərindən mənimsənilmişdir.
İmtahanda QSC-nin baş direktorunun SƏTƏM üzrə müavini Rəşad İsmayılov, Kadrlar şöbəsinin rəisi Sədaqət Söhbətova, Əmək haqqı və əməyin təşkili şöbəsinin rəisi Şahin Səlimov, HİK-nin sədri Əli Ələkbərov, Ekoloji Monitorinq Departamentinin rəis müavini Natella Şəfiyeva, Texniki təhlükəsizlik şöbəsinin rəisi Səbuhi Veysəlov və rəis müavini Tapdıq Quliyev iştirak etmişlər.
Mühəndis-texniki işçilərin texniki-təhlükəsizlik sahəsində biliklərinin yoxlanılması məqsədilə imtahanlar ayrı-ayrı struktur bölmələri üzrə davam etdirilir.
tarix : 11.10.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
