Oktyabrın 16-da "Ekol Mühəndislik Xidmətləri" QSC-nin baş ofisində İspaniyanın "EINAR s.a.  Tecnologiya  Del  Agua" şirkətinin  Beynəlxalq layihələr departamentinin layihə meneceri Alejandro Fernandez Jastro ilə görüş keçirilmişdir. Görüşdə QSC-nin baş direktorunun SƏTƏM üzrə müavini Rəşad İsmayılov qonağı salamlayaraq ona QSC-nin fəaliyyəti və texniki imkanları haqqında qısa məlumat verdi.

     "EINAR s.a." şirkətinin nümayəndəsi öncə səmimi qəbula görə öz minnətdarlığını bildirdi. Sonra  ispaniyalı  qonaq çıxışına davam etdirərək bildirdi ki,  "EINAR s.a." şirkəti 25 ildən çoxdur ki, fəaliyyət göstərir. Şirkətin əsas fəaliyyəti xüsusi qurğular vasitəsilə hidrotexniki qurğularda su ehtiyyatlarını tənzimləməkdən ibarətdir. Bununla yanaşı, fəaliyyətimiz dövründə bir neçə layihələrdə su hövzələrində tullantıların idarə olunması barədə təkliflər də vermişik.  A.F. Jastro bildirmişdir ki, şirkətin  fəaliyyətinin 85%-ə qədəri İspaniyanın su təsərrüfatı müəssisələri ilə bağlıdır. Bununla belə su ehtiyyatlarının tənzimlənməsi sahəsində Argentina və Hindistanda da layihələr həyata keçirmişik.

QSC-nin nümayəndələri maraqlı məlumat üçün A.F.Jastroya öz təşəkkürlərini bildirdilər. Sonra görüş iştirakçıları "EINAR s.a." şirkətinin su ehtiyatlarının tənzimlənməsində istifadə etdiyi üsullar, qurğu və avadanlıqlar haqqında geniş müzakirələr apardılar və  faydalı fikir mübadiləsi etdilər.

Qeyd olundu ki, iki şirkət arasında gələcək əməkdaşlıq əlaqələrinin mümkün variantlarının araşdırılmasına ehtiyac vardır və bu istiqamətdə qarşılıqlı səylər göstərilməlidir. Bununla da görüş işgüzar şəraitdə başa çatmışdır.

tarix : 17.10.2012