Xidmətlərimiz
|
|
|
|
QSC-də 18 oktyabr-Azərbaycanın Dövlət Müstəqilliyi Günü münasibətilə tədbirlər keçirilmişdir
|
18 oktyabr Azərbaycan tarixinin ən şərəfli səhifələrindən biri - Dövlət Müstəqilliyi Günüdür. Dövlət Müstəqilliyinin 21-ci ildönümü respublikamızın hər yerində böyük təntənə ilə qeyd olunur. Bu münasibətlə "Ekol Mühəndislik Xidmətləri" QSC-nin istehsalat sahələrində də silsilə tədbirlər keçirilmişdir. Tədbirlərdə QSC-nin rəhbərliyi və çoxsaylı kollektivinin nümayəndələri iştirak etmişlər.
Çıxış edənlər kollektivi bayram münasibətilə təbrik edərək qeyd etmişlər ki, 1991-ci ildə Sovetlər İttifaqının dağılması ilə əlaqədar Azərbaycan xalqı dövlət müstəqilliyini bərpa etmişdir. Həmin il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul olunmuşdur. Konstitusiya Aktında göstərilmişdir ki, müstəqil Azərbaycan dövləti 1918-1920-ci illərdə mövcud olmuş Xalq Cümhuriyyətinin hüquqi varisidir.
Natiqlər xüsusilə vurğulamışlar ki, Dövlət Müstəqilliyimizin əldə olunmasında müstəsna rolu olmuş ümummilli lider Heydər Əliyevin siyasi kursu ötən illərdə uğurla davam etdirilmişdir. Azərbaycan Respublikasının Prezidenti İlham Əliyev cənablarının apardığı uğurlu siyasət nəticəsində keçən 21 ildə ölkəmiz öz müstəqilliyini bütün dünyada tanıtmış, beynəlxalq təşkilatların üzvlüyünə qəbul edilmiş, dünya dövlətləri ilə bərabərhüquqlu əlaqələr yaranmışdır. Bu illərdə daxili və xarici qüvvələrin təxribat və maneələrinə baxmayaraq, dövlət müstəqiliyimiz qətiyyətlə qorunmuş və onun yaşaması üçün vacib olan bütün tədbirlər görülmüşdür.
Tədbirlərdə qeyd olunmuşdur ki, Azərbaycanın dövlət müstəqilliyi xalqımızın tarixi nailiyyətidir. Hər birimizin müqəddəs borcu müstəqil dövlətimizin qədrini bilmək, onu qorumaq, inkişaf etdirmək, dünyanın ən inkişaf etmiş ölkələri səviyyəsinə çatdırmaq və bu mübarizədə daha möhkəm əzm, qətiyyət nümayiş etdirməkdən ibarətdir.
tarix : 18.10.2012
|
|
|
|
|
|
|