|
"Ekol Mühəndislik Xidmətləri" QSC-nin istehsalat sahələrində təhlükəsiz əmək şəraitinin yaradılması, bədbəxt hadisələrin və qəzaların qarşısının alınması, eləcə də dövlət əmlakının mühafizə olunması daimi diqqət mərkəzində saxlanılır və bu istiqamətdə məqsədyönlü tədbirlər həyata keçirilir.
Silisilə tədbirlərin davamı olaraq, oktyabrın 18-də Azərbaycan Respublikası Fövqəladə Hallar Nazirliyinin neft ayırma müəssisələri üçün yaratdığı və Yanğın Təhlükəsizliyi Dəstəsinin təsdiq etdiyi plan-qrafikə əsasən, Texniki Təhlükəsizlik Şöbəsi tərəfindən QSC-nin O.Vəliyev 1 ünvandakı və "Azərneftyağ" NEZ ərazisindəki istehsalat sahələrində ilkin yanğınsöndürmə vasitələrindən istifadə qaydaları mövzusunda növbəti praktiki məşğələlər keçirilmişdir. Praktiki məşğələlərə QSC-nin Tullantıların Emalı Departamentinin 6-cı və 7-ci sahələrinin, Ekoloji Monitorinq Departamentinin, Nəqliyyat sexinin, Elektromexanika sexinin və digər struktur bölmələrinin işçiləri cəlb olunmuşlar.
Praktiki məşğələlərdə işçilərə yanğın zamanı davranış qaydaları, ilkin yanğınsöndürmə vasitələrinin xarakteristikaları və istifadə qaydaları geniş izah edilmiş, odsöndürən balonlar vasitəsilə yanğının söndürülməsi praktiki olaraq nümayiş etdirilmişdir.
Tədbirlərdə QSC-nin baş direktorunun SƏTƏM üzrə müavini Rəşad İsmayılov, 18 saylı HYH-nin inspektoru Rza Şeyxzadə və 13 saylı YMH-nin inspektoru Elmir Şəfiyev iştirak etmişlər.
tarix : 19.10.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
