"Ekol Mühəndislik Xidmətləri" QSC öz fəaliyyət sahələrində və ətraf ərazilərdə ekoloji vəziyyətin yaxşılaşdırılması istiqamətində daimi məqsədyönlü tədbirlər həyata keçirir. Orta hesabla bir ayda Heydər Əliyev adına BNEZ-nun və "Azərneftyağ" NEZ-nun 1 milyon 900 m3-ə qədər sənaye-çirkab sularının normaya uyğun təmizlənməsi, 3 min tona qədər neft şlamın emal edilməsi, NQÇİ-nin mədən ərazilərində neftlə çirklənmiş torpaqların təmizlənməsi, mexaniki təmizləyici qurğularda və tutumlarda uzun illər yığılıb qalmış neftşlamların emal edilməsi və s. bu kimi tədbirlər məhz ekoloji vəziyyətin yaxşılaşdırılmasına yönəldilmişdir.
QSC də sudan, elektrik enerjisindən və qazdan qənaətlə istifadə edilməklə yanaşı, istehsalat sahələrində formalaşan tullantıların idarə olunması da İSO-14001 beynəlxalq standartlarının tələləblərinə uyğun həyata keçirilir. QSC-də formalaşan xüsusi tullantılar Ekoloji monitorinq departamenti tərəfindən daimi nəzarətdə saxlanılır. ARDNŞ-nin Ekologiya idarəsi ilə bağlanmış müqaviləyə əsasən xüsusi tullantılar (işlənmiş avtomaşın şinləri, lüminessensiya lampaları, katriclər, akkumlyatolar və s.) vaxtaşırı olaraq Qaradağ "Tullantı Mərkəzi"nə təhvil verilir. Cari ilin 9 ayı ərzində "Tullantı Mərkəzi" nə 1 tona qədər xüsusi tullantılar, digər müvafiq təşkilatlara isə 1.8 ton bərk tullantılar, 210 m3 kanalizasiya suları təhvil verilmişdir.
QSC-də atmosferə atılan qazların minimuma endirilməsi sahəsində də qabaqlayıcı tədbirlər görülür. Bu məqsədlə mexaniki təmizləyici qurğuların, flatatorların üst örtükləri təmir edilir və əksər hallarda yenisi ilə əvəz edilir. QSC-nin balansında olan nəqliyyat vasitələri mütəmadi olaraq texniki müayinədən keçirilir və nasazlıqlar operativ olaraq aradan qaldırılır.
"Ekol Mühəndislik Xidmətləri" QSC öz fəaliyyət sahələrində və ətraf ərazilərdə ekoloji vəziyyətin yaxşılaşdırılması istiqamətində tədbirləri davam etdirir.
tarix : 05.11.2012
|