Öz fəaliyyətini beynəlxalq standartların tələbləri səviyyəsində quran “Ekol Mühəndislik Xidmətləri” QSC-də işçi personalın beynəlxalq idarəetmə sistemləri, əməyin mühafizəsi, texniki təhlükəsizlik və daxili intizam qaydaları üzrə maarifləndirilməsi üçün ardıcıl tədbirlər həyata keçirilir. Bu məqsədlə, QSC-nin baş direktorunun müvafiq əmri ilə 06.11.2012 - 20.11.2012 ci il tarixlərdə növbəti dəfə işçi personalın maarifləndirilməsinə başlanmışdır. Ekoloji Monitorinq Departamenti (EMD) tərəfindən hazırlanmış və təsdiq olunmuş qrafik və proqrama uyğun olaraq maarifləndirmə tədbirləri bütün struktur bölmələrini əhatə etmişdir.
Keçirilən maarifləndirmədə EMD-nin rəisi Şahabiddin Albuşov, rəis müavini Natella Şəfiyeva, Kadrlar şöbəsinin rəisi Sədaqət Söhbətova, Əmək haqqı və əməyin təşkili şöbəsinin rəisi Şahin Səlimov, Texniki təhlükəsizlik şöbəsinin rəisi Səbuhi Veysəlov iştirak etmişlər. Tədbir iştirakçılarına əyani və izahlı olaraq beynəlxalq standartların tələbləri, işçilərin vəzifə təlimatları, daxili intizam qaydaları, iş yerlərində təhlükəsizlik tələbləri, QSC-nin fəaliyyət sahələri və s. haqqında geniş məlumat verilmiş və müzakirələr aparılmışdır. Maarifləndirmə tədbirləri davam etdirilir.
tarix : 07.11.2012
|