|
ARDNŞ-nin neft-qaz sənayesi sahələrində ekoloji problemlərin həlli və ətraf mühitin mühafizəsi sahəsində həyata keçirdiyi məqsədyönlü tədbirlər nəticəsində uğurlu nailiyyətlər əldə edilmişdir. Bu nailiyyətlər sırasında neft-qaz sənayesi sahələrində yaşıllıqların salınması və inkişaf etdirilməsi xüsusi əhəmiyyət kəsb edir. Bununla əlaqədar olaraq “Ekol Mühəndislik Xidmətləri” QSC-nin də fəaliyyətinin əsas istiqamətlərindən biri neft sənayesi sahələrinin reabilitasiya olunmuş ərazilərində yaşıllıqların salınması və bitkilərə aqrotexniki xidmətlərin göstərilməsidir.
Hazırda QSC ARDNŞ-nin Qaz Emalı Zavodunun ərazisində və "Bibiheybətneft" NQÇİ, H.Z.Tağıyev adına NQÇİ, "Abşeronneft" NQÇİ-nin mədən ərazilərində 90 minə qədər müxtəlif növ ağac və kollara aqrotexniki xidmətlər göstərir.
Payız mövsümünün gəlişi ilə əlaqədar digər sahələrdə olduğu kimi ARDNŞ-nin Qaz Emalı Zavodunun ərazisində də mövsümü işlərə start verilmişdir. 8 hektardan çox ərazidə 9 minə qədər müxtəlif növ ağac və bəzək kollarına xidmət göstərən QSC-nin Torpaqların rekultivasiyası departamentinin (TRD) əməkçiləri ərazidə zəruri mövsümü işlərin həyata keçirilməsinə başlamışlar. Bununla əlaqədar olaraq yaşıllıq sahələrindəki ağacların budanması, bitkilərə lazımı gübrələrin verilməsi, qışa hazırlıq və digər zəruri tədbirlər yerinə yetirilir.
ARDNŞ-nin Qaz Emalı Zavodunun ərazisində yaşıllıq sahələrinin genişləndirilməsi və bitkilərin mühafizəsi istiqamətində tədbirlər davam etdirilir.
tarix : 20.11.2012
|
ana səhifə
Satınalma
əlaqə
Futzal
Alternativ Enerji
Bu maraqlıdır
