"Ekol Mühəndislik Xidmətləri" QSC-də çalışan işçi personalın və dövlət əmlakının yanğından mühafizəsinin təmin olunması və bu sahədə qabaqlayıcı tədbirlərin həyata keçirilməsi daimi diqqət mərkəzindədir. Bu məqsədlə QSC-nin Texniki təhlükəsizlik şöbəsi tərəfindən işçilərin maarifləndirilməsi üçün vaxtaşırı treninqlər, praktiki məşğələlər və dərslər keçirilir.

Noyabrın 23-də Əməyin Mühafizəsi Kabinəsinin iş planına uyğun olaraq QSC-nin ayrı-ayrı struktur bölmələrinin işçilərinin iştirakı ilə növbəti dəfə "yanğın təhlükəsizliyi" mövzusunda dərs keçirilmişdir. Texniki təhlükəsizlik şöbəsinin rəisi Səbuhi Veysəlov dərs iştirakçılarına yanğından mühafizə vasitələri, onlardan istifadə qaydaları və yanğın baş verən zaman görüləcək ilkin tədbirlər barədə ətraflı izahat vermişdir. Dərsdə əyani olaraq ilkin yanğınsöndürmə vasitələri və mövzuya aid video çarxlar nümayiş olunmuşdur.

tarix : 26.11.2012