“Ekol Mühəndislik Xidmətləri”m QSC-nin 2010-cu ilin fevral ayından icrasına başladığı Bakı Ağ Şəhər layihəsi üzrə “Yaşıl ada” ərazisindəki köhnəlmiş neft sənaye obyektlərindən neftşlamın çıxarılması, anbarlaşdırılması və ərazidəki neftlə çirklənmiş torpaqların təmizlənməsi işləri uğurla icra olunur.

İcra müddətindən başlayaraq 2012-ci ilin noyabr ayı da daxil olmaqla, QSC-nin Torpaqların rekultivasiyası departamenti tərəfindən layihə ərazisindən 26 min m3-dən çox neftşlam çıxarılaraq anbarlaşdırılmış, 1 milyon 267 min 396 m3-dən çox isə neftlə çirklənmiş torpaq daşınmışdır. Təmizlənmiş sahələr 14 hektardan çox ərazini əhatə etmişdir. Təqvim planına uyğun olaraq layihənin icrası yüksək templə davam etdirilir.

tarix : 03.12.2012