"Ekol Mühəndislik Xidmətləri" QSC-nin xidmət göstərdiyi yaşıllıq sahələrinin genişləndirilməsi və bitkilərin bərpası üçün yeni tinglərin yetişdirilməsinə zəruri tələbat yaranmışdır. Bu ehtiyacların ödənilməsi məqsədilə, daxili imkanlar hesabına 2012-ci ilin iyun ayından başlayaraq, QSC-nin Torpaqların Rekultivasiyası Departamentinin xidmət göstərdiyi "BibiHeybətneft" NQÇİ-nin mədən ərazisindəki yaşıllıq ərazisində sahəsi 320 m2 olan yeni istixananın tikintisinə başlanılmışdır.
Cari ilin noyabr ayında yeni istixananın tikintisi başa çatdırılmış, müxtəlif növ ağac və kolların tingləri ilkin olaraq istixanaya yerləşdirilmişdir. Hazırda istixanada son tamamlama işləri yerinə yetirilir. Qeyd edək ki, istixana istifadəyə verildikdən sonra QSC-nin xidmət göstərdiyi yaşıllıq sahələri müxtəlif növ keyfiyyətli tinglərlə təmin olunacaqdır.
tarix : 19.12.2012
|