"Ekol Mühəndislik Xidmətləri" QSC-nin istehsalat sahələrində iş şəraitinin yaxşılaşdırılması və istehsalatın fasiləsizliyinin təmin edilməsi məqsədilə qışa hazırlıq işləri başa çatdırılmış, qış fəslində baş verə biləcək fövqəladə halların qarşısını almaq üçün qabaqlayıcı tədbirlər həyata keçirilmişdir. Qışa hazırlıqla əlaqədar Tullantıların Emalı Departamentinin 6-cı və 7-ci sahələrində ötürücü boru xətlərinin və siyirtmələrin izolyasiyası, mexaniki təmizləyici qurğularda isə profilaktiki təmir işləri yerinə yetirilmişdir. İnzibati binaların iş otaqlarında, nasosxanalarda və əməliyyatçı otaqlarında isə cari və əsaslı təmir işləri görülmüşdür.

 Nəqliyyat və Elektromexanika sexlərində də "qışa hazırlıq tədbirlər planı"nda nəzərdə tutulmuş bütün işlər yüksək səviyyədə yerinə yetirilmişdir. Nəqliyyat vasitələrinin və xüsusi texnikanın qış rejimində işləməsi üçün yağlar, antifrizlər və şinlər dəyişdirilmiş, xüsusi texnika hazırlıq vəziyyətinə gətirilmişdir. QSC-nin elektrik təsərrüfatında, istilik sistemlərində və təmizləyici qurğularda zəruri təmir-profilaktika işləri həyata keçirilmişdir.
2012-2013-cü illər üçün "Qışa hazırlıq tədbirlər planı"nda nəzərdə tutulmuş işlərin yüksək səviyyədə yerinə yetirilməsi, qış mövsümündə QSC-nin istehsalat sahələrində fasiləsizliyin təmin olunmasına zəmin yaradacaqdır.

tarix : 24.12.2012