“Ekol Mühəndislik Xidmətləri” QSC-nin əsas fəaliyyət sahələrindən olan, tullantıların emal edilməsi və zərərsizləşdirilməsi layihələrini həyata keçirən Tullantıların Emalı Departamenti (TED) 2012-ci ili uğurlu nailiyyətlərlə başa vurmuşdur.
QSC-nin "Sifarişçi" təşkilatlarının müqavilə öhdəliklərini layiqincə yerinə yetirən TED, ötən il 6-cı sahəsində (Heydər Əliyev adına BNEZ-nun 9-cu sexinin ərazisi) BNEZ-dan mexaniki təmizləyici qurğulara daxil olan 10 milyon 419 min m3-dən çox sənaye çirkab sularını təmizləmiş və texnoloji proseslər nəticəsində formalaşan 28 min 352 tona qədər neftşlam müasir texniki vasitələrlə emal edilərək zərərsizləşdirilmişdir. Müvafiq dövrdə TED-nin 7-ci sahəsində isə (“Azərneftyağ” NEZ-nun 8-ci sexinin ərazisi) 11 milyon 861 min m3-ə qədər sənaye çirkab suları təmizlənmiş, 5 min tondan çox neftşlam emal olunaraq zərərsizləşdirilmişdir. İl ərzində TED-nin 8-ci sahəsində Bp “Exploration (Caspian Sea) LTD-dən daxil olan 138 tondan çox ərsin parafini sudan və mexaniki qarışıqlardan ayrılmışdır. Bununla yanaşı, 2012-ci ildə QSC-nin ayrı-ayrı "Sifarişçi" təşkilatla bağladığı müqavilələrə əsasən, “AA Services” Company, AAS- ATE” MMC, “Surakhanı OİL Operation Company S.A.”, ARDNŞ-nin Ekologiya İdarəsi, İxtisaslaşdırılmış Dəniz Neft Donanma İdarəsi, Dövlət Xəzər Dəniz Gəmiçiliyi, Qaz Emalı Zavodu, “AAS-Ekol” MMC və digər təşkilatlardan qəbul edilmiş 62 min 423 ton/m3-dən çox müxtəlif növ tullantılar (şlam, neft şlam, yağlı su və torpaq, məişət-təsərrüfat çirkab, axıntı suları, neftli-yağlı və mexaniki qarışıqlı tullantılar və s.) TED tərəfindən texnoloji reqlamentə uyğun emal edilərək zərərsizləşdirilmişdir. 2012-ci ildə TED-nin icra etdiyi prioritet ekoloji layihələrdən biri də "Ekol Mühəndislik Xidmətləri" QSC ilə ARDNŞ-nin Sosial İnkişaf İdarəsi arasında bağlanmış müqaviləyə əsasən, “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” layihəsi olmuşdur. Ötən il TED-nin operativ fəaliyyəti nəticəsində layihə yüksək templə icra edilmiş, il ərzində ərazidən 738 min m3-dən çox fekal suları kənarlaşdırılmışdır. Hazırda layihənin icrası uğurla davam etdirilir. TED əvvəlki illərdə olduğu kimi, 2012-ci ildə də istehsalatın fasiləsizliyinin təmin edilməsi, göstərdiyi mühəndislik xidmətlərinin səviyyəsinin daha da yüksəldilməsi və ətraf mühitin mühafizəsi istiqamətində zəruri tədbirlər həyata keçirmişdir. Bu məqsədlə TED-nin 6-cı və 7-ci sahələrində mexaniki təmizləyici qurğularda profilaktiki təmir işləri aparılmışdır. 6-cı sahədəki 95/1 və 95/5 saylı çökdürücü göllərdən 7 ədədində illərlə yığılıb qalmış 6 min tondan çox neftşlam çıxarılaraq təkrar emal olunmuş və göllər çöküntülərdən təmizlənərək təkrara istismara verilmişdir. Ötən il ARDNŞ-nin dəstəyi ilə TED-nin çənlər parkında nəzərdə tutulan 4 ədəd 1000 tonluq çəndən artıq 3 ədədi inşa edilmişdir.
TED 2013-cü ildə də tullantıların idarə edilməsi sahəsində qarşıda duran vəzifələrin yüksək səviyyədə həyata keçirilməsi üçün məqsədyönlü tədbirlər planlaşdırmış və icrasına başlamışdır.
tarix : 10.01.2013
|