|
"Ekol Mühəndislik Xidmətləri" QSC də prioritet ekoloji layihələr həyata keçirilməklə yanaşı, istehsalat sahələrinin abadlaşdırılmasına və yenidənqurma işlərinin yerinə yetirilməsinə də xüsusi önəm verilir. Bu məqsədlə QSC-nin fəaliyyət göstərdiyi istehsalat sahələrində vaxtaşırı təmir-tikinti və abadlaşdırma işləri aparılır və iş şəraitinin yaxşılaşdırılması üçün zəruri tədbirlər görülür.
Ötən il QSC-nin O.Vəliyev 1 ünvandakı inzibati binasında cari təmir işləri aparılmış, Nəqliyyat sexinin qaraj kompleksində yeni müasir tipli yuyucu və texniki baxış kameraları, eləcə də sürücülər otağı tikilib istismara verilmişdir.
Həmçinin Tullantıların Emalı Departamentinin 6-cı sahəsində ( Heydər Əliyev adına BNEZ-nun 9-cu sexinin ərazisi) nasosxana binasında əsaslı təmir işləri yerinə yetirilmişdir. Təmir-tikinti və abadlaşdırma işləri QSC-nin digər istehsalat sahələrini də əhatə etmişdir.
2013-cü ildə də QSC-nin istehsalat sahələrində təmir-tikinti və abadlaşdırma işləri davam etdirilir. Hazırda QSC-nin O.Vəliyev 1 ünvandakı inzibati binasının iş otaqlarında təmir işləri aparılır və sanitar qovşağı yenidən qurulur. Bu işlərin ilin sonunadək digər istehsalat sahələrində də həyata keçirilməsi nəzərdə tutulmuşdur.
tarix : 12.02.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
