QSC-nin Tullantıların emalı Departamentinin (TED) əsas fəaliyyət sahələrindən biri də ərsin parafinin sudan və mexaniki qarışıqlardan təmizlənməsidir. Bu məqsədlə, 2007-ci ildən TED -nin 6-cı sahəsində (Heydər Əliyev adına BNEZ-nun 9-cu sexinin ərazisi) müasir standartlara cavab verən və istehsal gücü bir dövr (48 saat) üçün 17 ton olan Parafin təmizləmə sexi fəaliyyət göstərir. Fəaliyyəti dövründə əsasən bp Exploration (CASPİAN sea) LTD-dən qəbul etdiyi ərsin parafinin təmizlənməsini yüksək səviyyədə həyata keçirən TED-nin 8-ci sahəsi müştəri məmnunluğunun qazanılmasına nail olmuşdur.

Ötən il "AAS-EKOL" MMC vasitəsilə TED-nin Parafin sexinə bp Exploration (CASPİAN sea) LTD-nin 138 tona qədər ərsin parafini daxil olmuş, texnoloji reqlamentə uyğun olaraq sudan və mexaniki qarışıqlardan təmizlənmişdir.
2013-cü ildə də Parafin sexi öz fəaliyyətini günün tələbləri səviyyəsində qurmuşdur. Cari ilin yanvar və fevral ayının müvafiq dövründə "AAS-EKOL" MMC-dən sexə 42 tona qədər ərsin parafini qəbul edilərək təmizlənmişdir. Hazırda TED-nin 8-ci sahəsi (Parafin sexi) texnoloji proseslərin təkmilləşdirilməsi və keyfiyyətin daha da artırılması istiqamətində fəaliyyətini davam etdirir.

tarix : 22.02.2013