Xidmətlərimiz
|
|
|
|
Almaniyanın ELPRO şirkətlər qrupunun Azərbaycan nümayəndəliyinin rəhbərliyi ilə görüş keçirilmişdir
|
Fevralın 22-də "Ekol Mühəndislik Xidmətləri" QSC-nin baş ofisində Almaniyanın ELPRO şirkətlər qrupunun Azərbaycan nümayəndəliyinin rəhbərliyi ilə görüş keçirilmişdir. Görüşdə QSC-nin baş direktorunun müavinləri Məzahir Hüseynov, Rəşad İsmayılov, eləcə də əlaqədar departament və şöbə rəisləri iştirak etmişlər.
Məzahir Hüseynov qonaqları salamlayaraq görüş iştirakçılarını onlara təqdim etdi və QSC-nin fəaliyyəti haqqında qısa məlumat verdi. ELPRO şirkətlər qrupunun baş direktoru Dr. Hans - J. Betke səmimi qəbula görə QSC rəhbərliyinə öz minnətdarlıqlarını bildirdi, görüşün məqsədi və rəhbərlik etdiyi şirkətin fəaliyyəti barədə görüş iştirakçılarına məlumat verdi. ELPRO şirkətlər qrupunun baş direktoru Dr. Hans - J. Betke və direktor müavini Vüqar Əliyev təmsil etdikləri şirkətin istehsalı olan "Sekalflor" sorbentinin yaşıllaşdırma sahəsində geniş istifadə olunduğunu və yüksək nəticələr əldə edildiyini görüş iştirakçılarının diqqətinə çatdırdılar. Qonaqlar yaşıllaşdırmanın QSC-nin əsas fəaliyyət sahələrindən biri olduğunu nəzərə alaraq, "Sekalflor" sorbentinin onlar üçün də maraq doğuracağına əminliklərini bildirmiş və görüşün məhz bu məqsədlə təşkil olunduğunu qeyd etmişlər. Sonra Vüqar Əliyev "Sekalflor" sorbentinin tərkibi, xüsusiyyətləri və istifadə qaydaları haqqında geniş məlumat vermiş və QSC-nin konkret sahə ayırdığı təqdirdə pilot layihəni həyata keçirməyə hazır olduqlarını xüsusilə vurğulamışdır. Görüş iştirakçıları mövzu ətrafında geniş müzakirələr aparmışlar. QSC-nin baş direktorunun müavini Məzahir Hüseynov maraqlı təklifə görə qonaqlara öz təşəkkürünü bildirmişdir. Sonda qərara alınmışdır ki, bu əlaqələr davam etdirilsin, ELPRO şirkətlər qrupunun mütəxəssisləri tərəfindən bu barədə geniş təqdimatlar keçirilsin və təcrübi nümunələr göstərilsin. Əldə olunmuş nəticələrdən asılı olaraq ARDNŞ və QSC rəhbərliyinin qərarı ilə gələcək əməkdaşlıq əlaqələrinin istiqamətləri müəyyən edilsin.
tarix : 22.02.2013
|
|
|
|
|
|
|