Xidmətlərimiz
|
|
|
|
2012-ci ildə QSC istehsalat sahələrində formalaşan tullantıların idarə edilməsini beynəlxalq standartların tələbləri səviyyəsində həyata keçirmişdir
|
Ətraf mühitin mühafizəsinin və tullantıların idarə olunmasının beynəlxalq standartlar səviyyəsində qurulması “Ekol Mühəndislik Xidmətləri” QSC-nin fəaliyyətinin əsas istiqamətlərindəndir. Bununla əlaqədar olaraq, ARDNŞ-nin fəaliyyət sahələrində önəmli ekoloji layihələr həyata keçirməklə yanaşı QSC öz istehsalat sahələrində formalaşan tullantıların idarə olunmasını da qəbul etdiyi beynəlxalq standartların tələblərinə uyğun yerinə yetirir.
Ötən il QSC-nin istehsalat sahələrində ümumilikdə 2 088 min tondan çox tullantı; o cümlədən 1 849 tondan çox kanalizasiya suyu, 216.3 ton sürtgü yağları, 0.06 ton akkumulyator və qalvanik elementlər, 1.94 ton avtomobil şinləri, 0.275 ton süzgəclər, 0.0325 ton yanacaq süzgəcləri, 0.049 ton yağ süzgəcləri, 0.054 ton hava süzgəcləri, 0.23 ton lüminessensiya lampaları, 20.2 ton isə bərk tullantılar formalaşmışdır. Bu tullantılar müqavilə əsasında, vaxtaşırı olaraq aidiyyəti təşkilatlara təhvil verilmişdir. Həmçinin, Dövlət Neft Şirkətinin 02.04.2010-cu il tarixli, 45 saylı əmri ilə təsdiq edilmiş “Tullantıların İdarə Olunması Planı”na uyğun olaraq, 2012-ci ildə QSC-nin istehsalat sahələrində formalaşan yuxarıda qey olunan tullantılardan 2.641 tona qədər müxtəlif növ xüsusi tullantılar ARDNŞ-nin Ekologiya İdarəsinin Qaradağ rayonu ərazisində yerləşən Tullantılar Mərkəzinə təhvil verilmişdir.
tarix : 04.03.2013
|
|
|
|
|
|
|