|
1910-cu ildə sosialist qadınların Kopenhagendə keçirilən 2-ci Beynəlxalq konfransında qəbul edilmiş qərarla 8-Mart iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günü kimi təsbit edilmişdir. Artıq bir əsrdən artıqdır ki, dünyanın hər yerində qadınlar 8 Mart gününü sülh uğrunda mübarizədə həmrəylik günü kimi qeyd edirlər.
Azərbaycan müstəqillik əldə etdikdən sonra da 8 Mart Beynəlxalq Qadınlar Günü istirahət günü olmaqla, hər il respublikamızda böyük təntənə ilə qeyd olunur.
Ənənəvi olaraq martın 7-də “Ekol Mühəndislik Xidmətləri” QSC-nin baş ofisində və istehsalat sahələrində 8 Mart Beynəlxalq Qadınlar Günü münasibətilə silsilə tədbirlər keçirilmişdir. Tədbirdə QSC-nin baş direktoru Ramil Əliyev kollektivin qadın üzvlərini əlamətdar gün münasibətilə təbrik etmiş, müasir həyatımızda, dövlət quruculuğunda və ölkəmizin iqtisadi inkişafında, eləcə də QSC-nin fəaliyyətində qadınların xüsusi rolunu qeyd etmişdir. Baş direktor hazırda kollektivin 15%-ə qədərini təşkil edən qadınların əməyini yüksək qiymətləndirərək, onlara can sağlığı, uzun ömür, ailə səadəti və işlərində müvəffəqiyyətlər arzulamışdır.
Tədbirdə digər çıxış edənlər də baş direktorun təbrikinə qoşulmuşlar. Sonda QSC-nin r qadın kollektivinin hər bir üzvünə tər çiçəklər və pul mükafatı təqdim edilmişdir.
tarix : 07.03.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
