|
İstehsalat sahələrinin abadlaşdırılması, işçilərin iş şəraitinin yaxşılaşdırılması və yaşıllaşdırma tədbirlərinin həyata keçirilməsi "Ekol Mühəndislik Xidmətləri" QSC-nin fəaliyyətinin prioritet istiqamətlərindən biridir. Bu məqsədlə, istehsalat sahələrindəki inzibati, məişət və yardımçı binalarda mütəmadi olaraq təmir işləri aparılır, ərazilərin abadlaşdırılması və yaşıllaşdırılması sahəsində məqsədyönlü tədbirlər həyata keçirilir.
Bu işlərin həyata keçirilməsində QSC-nin İnzibati Təsərrüfat Şöbəsinin (İTŞ) kollektivinin əməyi xüsusilə diqqətəlayiqdir. Təkcə ötən il, daxili imkanlar hesabına İTŞ-nin kollektivi QSC-nin ofis binasında, O.Vəliyev 1 ünvanda və "Azərneftyağ" NEZ-nun ərazisində yerləşən istehsalat sahələrində nəzərəçarpacaq dərəcədə təmir-tikinti, abadlıq və yaşıllaşdırma işlərini həyata keçirmişdir. "Azərneftyağ" NEZ-da QSC-nin Tullantıların Emalı Departamentinin 7-ci sahəsindəki əməliyyatçılar otağı əsaslı təmir olunmuş, sanitar qovşağı və istirahət guşəsi yenidən tikilmiş, əraziyə üzlük daşlar döşənmiş və ətrafı abadlaşdırılmışdır.
QSC-nin O. Vəliyev 1 ünvanındakı istehsalat sahələrində də kifayət qədər abadlıq işləri görülmüşdür. Hazırda bu sahədəki inzibati binanın iş otaqlarında, eləcə də sanitar qovşaqda cari və əsaslı təmir işləri davam etdirilir, yaşıllıq sahələrində isə mövsümü işlər yerinə yetirilir.
tarix : 03.04.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
