Xidmətlərimiz
|
|
|
|
"Ekol Mühəndislik Xidmətləri" QSC-də İSO beynəlxalq standartları üzrə keçirilmiş auditin nəticələri ilə əlaqədar toplantı keçirilmişdir
|
Fəaliyyətini beynəlxalq standartlar səviyyəsində quran "Ekol Mühəndislik Xidmətləri" QSC, öz istehsalat sahələrində İSO standartlarının tələblərinə əməl olunması və baş vermiş uyğunsuzluqların vaxtında aradan qaldırılması məqsədilə ardıcıl tədbirlər həyata keçirir.
Məlum olduğu kimi, inteqrə edilmiş menecment sistemlərinin tələblərindən biri də rəhbərlik tərəfindən fəaliyyətin beynəlxalq standartlara uyğunluğunu və onun effektivliyini mütəmadi olaraq təhlil etməkdən ibarətdir. Bu təhlilin əsasını isə müəssisədə keçirilən auditlərin nəticələri, sifarişçilərin tələblərini nəzərə almaqla onların məmnuniyyətinin qiymətləndirilməsi, aşkar edilmiş uyğunsuzluqlar və onların aradan qaldırılması kimi məsələlər təşkil edir. Bununla əlaqədar olaraq, cari ilin fevral-mart aylarında QSC-nin struktur bölmələrində daxili audit keçirilmiş, aprelin 3-də isə auditin nəticələrinin təhlili ilə əlaqədar QSC-nin və müvafiq struktur bölmələrinin rəhbərlərinin iştirakı ilə toplantı keçirilmişdir. Beynəlxalq standartlar üzrə rəhbərliyin nümayəndəsi Natella Şəfiyeva QSC-nin struktur bölmələrində keçirilmiş auditin nəticələri barədə toplantı iştirakçılarına ətraflı məlumat vermişdir. O, qeyd etmişdir ki, keçirilən auditin nəticələri göstərir ki, QSC-nin istehsalat sahələrində İSO standartlarına yüksək səviyyədə əməl olunmaqla yanaşı, fəaliyyətimizdə bəzi uyğunsuzluqlar da müşahidə edilir ki, bunlar da qısa zamanda aradan qaldırılmalıdır. Baş direktorun istehsalat üzrə müavini-Texniki direktor Məzahir Hüseynov və baş direktorun SƏTƏM üzrə müavini Rəşad İsmayılov mövzu ətrafında çıxış edərək, aşkar olunnmuş uyğunsuzluqları struktur bölmələrinin rəhbərlərinin diqqətinə çatdırmış və onların qısa zamanda aradann qaldırılması üçün müvafiq tapşırıqlarını vermişlər. Toplantıda mövzu ətrafında geniş müzakirələr aparılmış və aşkar edilmiş uyğunsuzluqların həlli yolları barədə müvafiq qərarlar qəbul edilmişdir. Əminliklə qeyd olunmuşdur ki, bu toplantıda qəbul olunmuş qərarlar inteqrə edilmiş menecment sistemlərinin davamlı inkişafına və proseslərin effektiv işləməsinə təkan verəcəkdir.
tarix : 05.04.2013
|
|
|
|
|
|
|