Azərbaycan xalqının ümummilli lideri Heydər Əliyevin anadan olmasının 90-cı ildönümü münasibətilə aprel ayının 13-dən başlayaraq may ayının 4-dək hər şənbə günü respublikamızın hər yerində, eləcə də ARDNŞ-də və onun tabeçiliyində olan təşkilatlarda iməciliklərin, ağacəkmə aksiyalarının və digər məqsədyönlü tədbirlərin keçirilməsi nəzərdə tutulmuşdur.
Bununla əlaqədar olaraq, aprelin 13-də ARDNŞ-nin, "Azneft" İB-nin və "Ekol Mühəndislik Xidmətləri" QSC-nin rəhbərliyinin və kollektivinin iştirakı ilə "BibiHeybətneft" NQÇİ-nin mədən ərazisində iməcilik keçirilmişdir. İməcilikdə yüksək ruh yüksəkliyi ilə iştirak edənlər yaşıllıq sahələrindəki bitkilərə qulluq göstərmiş və həmin ərazidəki yeni sahədə 1 600-ə qədər zeytun ağacı əkmişlər. Bununla yanaşı, aprelin 13-də ulu öndərin anadan olmasının 90-cı ildönümü ilə əlaqədar "Ekol Mühəndislik Xidmətləri" QSC-nin bütün istehsalat sahələrində iməcilik təşkil olunmuş və bu iməcilikdə kollektivin çoxsaylı nümayəndələri iştirak etmişlər. İməcilikdə QSC-nin Heydər Əliyev adına BNEZ-nun, "Azərneftyağ" NEZ-nun ərazisindəki istehsalat sahələrində, eləcə də "Abşeronneft" NQÇİ-nin, "BibiHeybətneft" NQÇİ-nin, H.Z.Tağıyev adına NQÇİ-nin mədən ərazilərində və ARDNŞ-nin Qaz Emalı Zavodunun ərazisində təmizlik və abadlıq işləri aparılmış, yeni ağaclar əkilmişdir. QSC-də may ayının 4-dək, hər şənbə günü Heydər Əliyevin anadan olmasının 90-cı ildönümünə həsr olunmuş iməciliklərin keçirilməsi nəzərdə tutulmuşdur.
tarix : 13.04.2013
|