Respublikamızın ekoloji vəziyyətinin yaxşılaşdırılması missiyasının həyata keçirilməsi sahəsində öz layiqli tövhələrini verən "Ekol Mühəndislik Xidmətləri" QSC xarici əlaqələrinin genişləndirilməsinə, ictimai və beynəlxalq təşkilatlarla əməkdaşlıq əlaqələrinin yaranmasına da böyük önəm verir və bu istiqamətdə ardıcıl tədbirlər həyata keçirir. QSC-nin 2009-cu ildən üzvü olduğu və sıx əməkdaşlıq etdiyi beynəlxalq təşkilatlardan biri də Amerika Ticarət Palatasıdır (AMCHAM).
Azərbaycan iqtisadiyyatının hər bir sektorunda fəal olan, 250-dən artıq aparıcı xarici və yerli şirkətlər daxil olmaqla AMCHAM Azərbaycanda biznes mühitini təkmilləşdirmək üçün biznes maraqlarını fəallaşdırmaq və ən yaxşı şəbəkə imkanlarını təmin etməklə ölkədə ən böyük və vacib təşkilatlardan biridir. AMCHAM-na üzv olduğu müddətdə "Ekol Mühəndislik Xidmətləri" QSC Palatanın nümayəndələri ilə daimi sıx əlaqədə olmuş, paytaxtımızın bir sıra orta məktəblərində birgə ekoloji maarifləndirmə tədbirləri, uşaq evlərində isə tematik iməciliklər keçirilmişdir. QSC bu illərdə AMCHAM-nın təşkil etdiyi tədbirlərdə yaxından iştirak etmiş, ABŞ-da fəaliyyət göstərən analoji şirkətlərlə görüşlərin keçirilməsinə və əməkdaşlıq əlaqələrinin qurulmasına nail olmuşdur.
"Ekol Mühəndislik Xidmətləri" QSC AMCHAM ilə əməkdaşlıq əlaqələrini davam etdirir.
tarix : 21.05.2013
|