Xidmətlərimiz
|
|
|
|
QSC- də çalışan fəhlə və sürücülərə əməyin mühafizəsi və texniki təhlükəsizlik üzrə biliklərin yoxlanılması imtahanı keçirilir
|
QSC-də çalışan işçilərin İSO-18001 (OHSAS) standartının tələblərinə uyğun texniki təhlükəsizlik qaydaları üzrə bilik səviyyələrinin artırılması istiqamətində də müvafiq tədbirlər həyata keçirilir. Bu məqsədlə vaxtaşırı treninq və seminarlar keçirilir və dövrü olaraq təlimatlara uyğun işçilərin bilik səviyyələri yoxlanılır. Zəruri hallarda əlavə təlimatlandırma və maarifləndirmə tədbirləri görülür.
Təsdiq edilmiş qrafikə və QSC-nin baş direktorunun 10 may 2013-cü il tarixli, 01/S saylı Sərəncamına uyğun olaraq, fəhlə və sürücülərin texniki-təhlükəsizlik sahəsində biliklərinin yoxlanılması məqsədilə iyunun 10-dan biliklərin yoxlanılması imtahanına başlanılmışdır. İmtahan “Ekol Mühəndislik Xidmətləri” QSC-də çalışan fəhlə və sürücülərin əməyin mühafizəsi və texniki təhlükəsizlik qaydaları üzrə təlimatlandırılması, öyrədlməsi və biliklərinin yoxlanılması qaydaları haqqında" təlimatına əsasən keçirilir. İmtahanın ilk gününün nəticələri göstərir ki, QSC-də çalışan fəhlə və sürücülərin əməyin mühafizəsi və texnik təhlükəsizlik sahəsindəki bilik səviyyələri qənaətbəxşdir. Aşkar olunmuşdur ki, bu kateqoriyadan olan işçilər tərəfindən texniki təhlükəsizlik qaydaları, təlimatlar və ən başlıcası İSO-18001 (OHSAS) standartının tələbləri dərindən mənimsənilmişdir. İmtahan QSC-nin bütün fəaliyyət sahələri əhatə olunmaqla iyunun 19-dək davam edəcəkdir.
tarix : 11.06.2013
|
|
|
|
|
|
|