Xidmətlərimiz
|
|
|
|
QSC-nin Tullantıların Emalı Departamentinin 6-cı sahəsində yeni emal qurğusu istismara buraxılacaqdır
|
Tullantıların emalı və zərərsizləşdirilməsi sahəsində nanotexnologiyaların tətbiq edilməsi və texnoloji proseslərin ətraf mühitə mənfi təsirinin minimuma endirilməsi daimi "Ekol Mühəndislik Xidmətləri" QSC-nin diqqət mərkəzindədir. Bu məqsədlə dünyanın tanınmış şirkətlərinin istehsalı olan müasir qurğuların əldə olunması və istehsalata tətbiqi uğurla davam etdirilir.
Fəaliyyətinin ilk illərindən İsveçin "Alfa-Laval" şirkətinin istehsalı olan modul dekantor qurğularını müvəffəqiyyətlə istismar edən QSC, cari ildə həmin şirkətin istehsalı olan yeni FOX-15 separator qurğusunu da əldə edərək öz texniki parkına əlavə etmişdir. Hazırda "Alfa-Laval" şirkətinin mütəxəssislərinin iştirakı ilə Tullantıların Emalı Departamentinin 6-cı sahəsində (Heydər Əliyev adına BNEZ-nun 9-cu sexinin ərazisi) qurğunun istismara buraxılması üçün hazırlıq işləri aparılır. FOX-15 separator qurğusunun əsas funksiyası dekantor qurğusundan çıxan maye qarışığını üç fazaya, neft məhsulu, su və mexaniki qarışığa ayırmaqdan ibarətdir. Yeni qurğunun yaxın günlərdə istismara verilməsi nəzərdə tutulur ki, bu da neftşlamın emalı proseslərinin daha da təkmilləşdirilməsinə və ətraf mühitin mühafizəsinə öz müsbət təsirini göstərəcəkdir.
tarix : 12.06.2013
|
|
|
|
|
|
|