|
ARDNŞ-nin fəaliyyət sahələrində ekoloji vəziyyətin yaxşılaşdırılmasına dair tədbirlər planına uyğun olaraq, NEZ-nın istehsalat sahələrində də ardıcıl tədbirlər həyata keçirilir. Bu istiqamətdə yerinə yetirilən ekoloji layihələrin icraçısı isə əsasən "Ekol Mühəndislik Xidmətləri" QSC-dir.
Tədbirlər planı çərçivəsində "Ekol Mühəndislik Xidmətləri" QSC Heydər Əliyev adına BNEZ-nun sənaye-çirkab, axıntı sularının təmizlənməsi, emal proseslərində formalaşan neftşlamın emalı və zərərsizləşdirilməsi, BNEZ-nun "Bakı Ağ Şəhər" layihəsi ərazisində olan köhnə istehsalat sahələrindəki gölməçələrin qurudulması, neftlə çirklənmiş torpaqların daşınması və digər lokal layihələrini uğurla həyata keçirir.
Heydər Əliyev adına BNEZ öz istehsalat sahələrində ekoloji vəziyyətin yaxşılaşdırılması və yanğın təhlükəsizliyinin təmin edilməsi sahəsində gördüyü tədbirlərini davamı olaraq, iyun ayında Sabunçu rayonu ərazisinin Böyük-Şor sahəsindəki 1 saylı sexinin ərazisindən neftlə çirklənmiş torpaqların daşınması barədə "Ekol Mühəndislik Xidmətləri" QSC ilə yeni müqavilə bağlamışdır.
Bununla əlaqədar, "Ekol Mühəndislik Xidmətləri" QSC-nin Torpaqların Rekultivasiyası Departamenti əraziyə lazımı texnika və işçi qüvvəsi cəlb etmiş və iyunun 10-da layihənin icrasına başlamışdır. Bu günədək işlər təqvim planına uyğun olaraq yerinə yetirilmişdir.
Hazırda QSC layihənin nəzərdə tutulmuş müddətdə və keyfiyyətlə yerinə yetirilməsi məqsədilə bütün zəruri tədbirləri həyata keçirir.
tarix : 18.06.2013
|
ana səhifə
Satınalma
əlaqə
Futzal
Alternativ Enerji
Bu maraqlıdır
