“Ekol Mühəndislik Xidmətləri” QSC "Bakı Ağ Şəhər" layihəsi çərçivəsində köhnəlmiş neft sənaye obyektlərindən neftşlamın çıxarılması, anbarlaşdırılması və ərazidəki neftlə çirklənmiş torpaqların təmizlənməsi layihələrini uğurla həyata keçirir. QSC-nin Torpaqların Rekultivasiyası Departamenti (TRD) tərəfindən cari ilin iyun ayında da layihənin "Yaşıl ada" rayonu ərazisinin ayrı-ayrı sahələrindən neft məhsulları ilə çirklənmiş torpaqların daşınması işlərini yüksək templə davam etdirmişdir.
Bununla yanaşı, "Bakı Ağ Şəhər" layihəsi ərazisinə daxil olan "Azərneftyağ" NEZ-nun (Ə.Qarayev sahəsi) köhnə təmizləyici qurğular sisteminin ləğv olunması istiqamətində də məqsədyönlü işlər görülmüşdür. İcra müddətində mexaniki qurğulara daxil olan kommunikasiya xətləri ləğv edilmiş, tutumlarda olan sənaye-çirkab suları "Azərneftyağ" NEZ təmizləyici qurğular sisteminə nəql olunmuşdur.
Hazırda layihənin icrası ilə əlaqədar "Azərneftyağ" NEZ-nun "Ekol Mühəndislik Xidmətləri" QSC ilə imzaladığı müqavilə şərtlərinə və təqvim planına uyğun olaraq, təmizləyici qurğuların tutumlarında olan neftşlamın daşınması işləri həyata keçirilir.
tarix : 20.06.2013
|