QSC-nin Tullantıların Emalı Departamenti (TED) ötən illərdə olduğu kimi 2013-cü ilin I-ci yarısında da "Sifarişçi" təşkilatların müqavilə öhdəliklərini layiqincə yerinə yetirmişdr. I-ci yarımillikdə TED-nin 6-cı sahəsində (Heydər Əliyev adına BNEZ-nun 9-cu sexinin ərazisi) BNEZ-dan mexaniki təmizləyici qurğulara daxil olan 4 milyon 656 min m3-ə qədər sənaye çirkab, axıntı suları təmizlənmiş və texnoloji proseslər nəticəsində formalaşan 15 min 956 ton qədər neftşlam müasir texniki vasitələrlə emal edilərək zərərsizləşdirilmişdir. Müvafiq dövrdə TED-nin 7-ci sahəsində isə (“Azərneftyağ” NEZ-nun 8-ci sexinin ərazisi) 5 milyon 883 min m3-dən çox sənaye çirkab suları təmizlənmiş, 5 min 600 ton neftşlam emal olunaraq zərərsizləşdirilmişdir. İl ərzində TED-nin 8-ci sahəsində "AAS-EKOL" MMC-dən daxil olan 86 tona qədər ərsin parafini sudan və mexaniki qarışıqlardan ayrılmışdır.

TED “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” və "Bakı Ağ Şəhər" layihəsi ərazisindəki neft emalı zavodlarının köhnə istehsalat sahələrində olan süni gölməçələrdən sənaye-çirkab sularının təmizləyici qurğulara nəql edilməsi layihələrinin icrasında da fəal iştirak etmişdir. Cari ilin 6 ayı ərzində TED-nin operativ fəaliyyəti nəticəsində qeyd olunan layihə ərazilərindən 326 min 682 m3 fekal suları kənarlaşdırılmış, 204 min 267 m3 isə sənaye-çirkab suları nəql edilmişdir.

TED əvvəlki illərdə olduğu kimi, 2013-cü ilin I-ci yarısında da istehsalatın fasiləsizliyinin təmin edilməsi, göstərdiyi xidmətlərin səviyyəsinin daha da yüksəldilməsi və ətraf mühitin mühafizəsi istiqamətində zəruri tədbirlər həyata keçirmişdir. Bu məqsədlə, TED-nin xidmət sahələrində istismarda olan mexaniki təmizləyici qurğularda profilaktiki təmir işləri aparılmış, İsveçin "Alfa-Laval" şirkətinin yeni "FOX-15" separator qurğusunun istismara verilməsi üçün türkiyəli mütəxəssislərlə birgə hazırlıq işləri görülmüşdür.

tarix : 09.07.2013